Home Entertainment నేను అలాంటిదాన్ని కాదు.. ర‌కుల్ ప్రీత్‌

నేను అలాంటిదాన్ని కాదు.. ర‌కుల్ ప్రీత్‌

49
0

‘వెంకటాద్రి ఎక్స్‌ప్రెస్’ సినిమాతో తెలుగు ప్రేక్షకుల మనస్సు దోచుకున్న పంజాబీ భామ రకుల్ ప్రీత్ సింగ్.. ఆ తర్వాత కొంత సమయంలోనే స్టార్ హీరోయిన్‌ స్టేటస్ సంపాదించుకుంది. తెలుగుతో పాటు తమిళ, కన్నడ, హిందీ భాషల్లో సినిమాలు చేస్తూ.. టాప్ హీరోయిన్‌గా నిలిచింది. అయితే గత కొంతకాలంగా ఈ బ్యూటీకి సరైన హిట్లు లేవు. ఈ మధ్యే నితిన్ హీరోగా.. చంద్రశేఖర్ ఏలేటీ దర్శకత్వంలో తెరకెక్కిన ‘చెక్’ అనే సినిమాలో రకుల్ నటించింది. ఈ సినిమా బాక్సాఫీస్ వద్ద బోల్తా పడింది.

అయితే ఈ మధ్య ఓ ఇంటర్వ్యూలో మాట్లాడుతూ.. రకుల్ తన కెరీర్‌కి సంబంధించి పలు ఆసక్తికర వ్యాఖ్యలు చేసింది. తన కెరీర్ ఆరంభంలో ఎదురుకున్న కష్టాలను ఆమె వెల్లడించింది. ‘‘నేను భయంలో బతికే మనిషిని కాదు. చాలా ఫ్రీగా ఉంటాను. ఖాళీ చేతులతో నేను ఇండస్ట్రీకి వచ్చాను. ఎంతో మంది అవకాశాల కోసం ఎదురుచూసే చోట నాకు అవకాశం రావడం చాలా అదృష్టంగా భావిస్తాను. కెరీర్ ఆరంభంలో కొన్ని కష్టాలు ఎదురయ్యాయి. కానీ, వాటన్నిటీ అధిగమిస్తేనే మనం గమ్యానికి చేరుకోగలం. ప్రస్తుతం నేను నా కలల్ని సాకారం చేసుకుంటున్నాను’’ అంటూ రకుల్ పేర్కొంది.

ప్రస్తుతం రకుల్ తెలుగుతో పాటు ఇతర భాషల్లో అరడజనుపైగా సినిమాల్లో నటిస్తోంది. వైష్ణవ్ తేజ్ హీరోగా క్రిష్ దర్శకత్వంలో రూపొందిన ‘కొండపొలం’ అనే సినిమాలో హీరోయిన్‌గా చేసిన రకుల్.. తమిళంలో శివకార్తీకేషన్ హీరోగా చేసిన ‘ఐలాన్’ సినిమాలోనూ నటించింది. ఈ రెండు సినిమాలు షూటింగ్ పూర్తి చేసుకొని విడుదలకు సిద్ధంగా ఉన్నాయి. దీంతో పాటు హిందీలో ‘సర్దార్‌ కా గ్రాండ్‌సన్’, ‘యటాక్’, ‘మే డే’, ‘థాంక్ గాడ్’ అనే సినిమాల్లో రకుల్ నటిస్తోంది.

LEAVE A REPLY

Please enter your comment!
Please enter your name here