Home News జ‌గ‌న్‌ను మ‌రో షాక్ ఇచ్చిన హైకోర్టు

జ‌గ‌న్‌ను మ‌రో షాక్ ఇచ్చిన హైకోర్టు

42
0

ఏపీ గ్రంథాలయ పరిషత్‌ ఛైర్మన్‌తో పాటు జిల్లా గ్రంథాలయ సంస్థల ఛైర్మన్ల తొలగిస్తూ 2019 సెప్టెంబరులో ప్రభుత్వం ఇచ్చిన జీవోలపై హైకోర్టు మండిపడింది. రాష్ట్రంలో అధికార మార్పిడితో గ్రంథాలయ ఛైర్మన్లను తొలగించడం ఏకపక్ష నిర్ణయమని ఆక్షేపించింది. వీరిని తొలగిస్తూ రాష్ట్ర ప్రభుత్వం 2019 సెప్టెంబర్‌లో ఇచ్చిన జీవోలను చట్టవిరుద్ధమైనవి పేర్కొన్న హైకోర్టు.. వాటిని రద్దు చేసింది. అంతేకాదు, గ్రంథాలయ సంస్థలకు పర్సన్‌ ఇన్‌ఛార్జులుగా అధికారులను నియమించడాన్నీ తప్పుపట్టింది.
ఈ జీవో ద్వారా తొలగించినవారిని నామినేటెడ్‌ ఛైర్మన్లుగా కొనసాగించాలని ప్రభుత్వాన్ని ఆదేశించింది. ఛైర్మన్ల తొలగింపు విషయంలో ఏపీ ప్రజా గ్రంథాలయా చట్టంలోని సెక్షన్‌ 7(2), 11(3) ప్రకారం గవర్నర్‌కు అధికారం పరిమితమైనదే కానీ, సంపూర్ణమైంది కాదని న్యాయస్థానం స్పష్టం చేసింది. సెక్షన్‌ 18-ఏ నిబంధనలను అనుసరించలేదని, విచారించలేదని వ్యాఖ్యానించింది. వారికి కనీసం వివరణ ఇచ్చే అవకాశం ఇవ్వకుండా తొలగించడం సహజన్యాయ సూత్రాలను ఉల్లంఘించడమేనని తేల్చిచెప్పింది. ఈ మేరకు జస్టిస్‌ ఎం.సత్యనారాయణ మూర్తి తీర్పు వెలువరించారు.
గ్రంథాలయ పరిషత్‌ ఛైర్మన్‌ సహా శ్రీకాకుళం, విజయనగరం, పశ్చిమగోదావరి, కృష్ణా, ప్రకాశం, నెల్లూరు, చిత్తూరు, అనంతపురం, కడప, కర్నూలు జిల్లాల గ్రంథాలయ సంస్థల ఛైర్మన్లను తొలగిస్తూ 2019 సెప్టెంబర్‌ 17లో ప్రభుత్వం ఉత్తర్వులు జారీచేసింది. ఈ సమయంలో సంస్థలకు పర్సన్‌ ఇన్‌ఛార్జులుగా అధికారులను నియమించింది. ఆ ఉత్తర్వులను సవాల్ చేస్తూ ఏపీ గ్రంథాలయ పరిషత్‌ ఛైర్మన్‌ దాసరి రాజ మాస్టార్‌, 10 మంది ఛైర్మన్లు అప్పట్లో హైకోర్టును ఆశ్రయించారు.
రాష్ట్ర ప్రభుత్వం తరఫున వాదనలు వినిపించిన అదనపు ఏజీ సుధాకర్‌రెడ్డి.. గ్రంథాలయ చట్టం సెక్షన్‌ 18ఏ(1) ప్రకారం ఛైర్మన్లను తొలగించే అధికారం ప్రభుత్వానికి ఉందని తెలిపారు. అయితే, ఛైర్మన్లు నిర్వహిస్తోంది నామినేటెడ్‌ పోస్టులని, వారిని తొలగించడానికి కారణాలు తెలియజేయలేదని పిటిషనర్ల తరఫున సీనియర్‌ న్యాయవాది వేదుల వెంకటరమణ వాదనలు వినిపించారు. కనీసం నోటీసులు జారీచేసి ముందుగా వివరణ తీసుకోలేదని వివరించారు.
సెక్షన్‌ 18ఏ(1) లోని నిబంధనలను అనుసరించకుండా అధికారాన్ని ఉపయోగించి గవర్నర్‌ నేరుగా తొలగించ లేరన్నారు. ఈ వాదనలను పరిగణనలోకి తీసుకున్న న్యాయస్థానం.. 1990లో చేర్చిన కొత్త సెక్షన్ల ప్రకారం గవర్నర్‌ అభీష్టం మేరకు ఛైర్మన్లు విధులు నిర్వహించొచ్చని పేర్కొన్నారని గుర్తుచేశారు. తొలగింపు విషయంలో సెక్షన్ 18ఏ ప్రకారం వివరణ ఇచ్చేందుకు అవకాశం ఇవ్వాలనే నిబంధనలు పాటించలేదు.. సెక్షన్‌ 11(3) ప్రకారం నేరుగా తొలగించడానికి గవర్నర్‌కు పూర్తి అధికారం లేదని స్పష్టం చేసింది.
కోర్టుకు రాష్ట్ర ప్రభుత్వం సమర్పించిన వివరాలను పరిశీలిస్తే.. రాష్ట్రంలో రాజకీయ పార్టీ అధికారం మారడం తప్ప తొలగింపునకు సహేతుక కారణాలేవీ కనిపించలేదని వ్యాఖ్యానించారు. ఏపీ గ్రంథాలయ పరిషత్‌ ఛైర్మన్‌ తొలగింపు విషయంలో మాత్రం ఎలాంటి విచారణ జరపకుండా గవర్నర్‌ నేరుగా తొలగించవచ్చని గుర్తుచేశారు.

LEAVE A REPLY

Please enter your comment!
Please enter your name here