Home Entertainment వ‌కీల్ సాబ్‌కు సీక్వెల్ రానుందా..? ఆయ‌న ఒప్పుకుంటే రెడీ అంటోన్న వేణుశ్రీరామ్‌

వ‌కీల్ సాబ్‌కు సీక్వెల్ రానుందా..? ఆయ‌న ఒప్పుకుంటే రెడీ అంటోన్న వేణుశ్రీరామ్‌

65
0

ఏదైనా సినిమా సూపర్ హిట్ సాధిస్తే.. దానికి సీక్వెల్ వస్తే బాగుంటుందని ప్రేక్షకులు భావిస్తుంటారు. అయితే అన్ని సినిమాల విషయంలో అది సాధ్యం కాదు. అలా కుదరకుండానే కొన్ని సినిమాలు సీక్వెల్ చేసి.. ఘోర పరాజయాన్ని కూడా పొందాయి. అయితే ఇప్పుడు పవర్‌స్టార్ పవన్‌కళ్యాణ్ నటించిన లేటెస్ట్ బ్లాక్‌బస్టర్ ‘వకీల్‌సాబ్’కు సీక్వెల్ రావాలని అభిమానులు కోరుకుంటున్నారు. ఈ సినిమాను హిందీలో సూపర్ హిట్ సాధించిన ‘పింక్’ ఆధారంగా రూపొందించారు. గత నెలలో విడుదలైన ఈ సినిమా ప్రేక్షకులను విశేషంగా ఆకట్టుకుంది. దీంతో ఈ సినిమాకి సీక్వెల్ వస్తే బాగుంటుందనే వాదన బలంగా వినిపిస్తోంది.

అయితే ఈ వార్త ఆ నోటా ఈ నోట పాకి చివరికి దర్శకుడు వేణు శ్రీరామ్‌కి చేరిందట. దీంతో ఆయన కూడా వకీల్‌సాబ్ సీక్వెల్‌పై ఆసక్తి చూపిస్తున్నారట. ఇటీవల ఓ చోట సినిమా సీక్వెల్‌పై ఆయన్ని ప్రశ్నించగా.. ‘‘ముందు మాకు సీక్వెల్ ఆలోచన లేదు. కానీ, ఫ్యాన్స్ బలంగా కోరుకోవడంతో.. ఓ కొత్త ఆలోచన రేకెత్తుతోంది. ఈ విషయంపై నేను పవన్‌కళ్యాణ్, దిల్‌రాజులను సంప్రదిస్తాను. ఒకవేళ పవన్ కళ్యాణ్ ఓకే చెబితే వకీల్‌సాబ్ సీక్వెల్ రూపొందించేందుక నేను రెడీ’’ అని చెప్పారట. మరో విభిన్నమైన సామాజిక అంశంతో వకీల్‌సాబ్ సీక్వెల్‌ను రూపొందించాలని వేణు శ్రీరామ్ ప్లాన్ చేస్తున్నట్లు తెలుస్తోంది. మరోవైపు ఈ సినిమా సీక్వెల్‌కు పాజిబిలిటీ చాలా తక్కువగా కనిపిస్తుంది. టాలీవుడ్‌లో రీఎంట్రీ ఇచ్చిన పవన్ వరుసగా సినిమాలు సైన్ చేశారు. వకీల్‌సాబ్ తర్వాత ఆయన ‘హరిహర వీరమల్లు’, ‘అయ్యప్పనుమ్ కోశియమ్’ సినిమా రీమేక్‌లలో నటిస్తున్నారు. ప్రస్తుతం ఈ సినిమా షూటింగ్‌లు వాయిదాపడ్డాయి. పైగా పవన్ కూడా ఈ మధ్యే కరోనా నుంచి కోలుకున్నారు. పరిస్థితులు మెరుగైన తర్వాత ఆయన మళ్లీ సినిమా షూటింగ్‌లలో పాల్గొనే అవకాశం ఉంది. ముందు ఒప్పుకున్న సినిమాలు పూర్తి చేసిన తర్వాతే పవన్ వకీల్‌సాబ్ సీక్వెల్ గురించి ఆలోచిస్తారని తెలుస్తోంది.

LEAVE A REPLY

Please enter your comment!
Please enter your name here